1 orë më parë
Barcelona mund të përballet me një mungesë të rëndësishme në prag të përballjes me Real Madridin në “El Clasico”.
Pas lëndimit të Dani Olmos në ndeshjen ndaj Paris Saint-Germainit, në dyshim për sfidën e radhës është edhe mbrojtësi francez Jules Kounde, i cili ka probleme me kyçin e këmbës së majtë.
Sipas raportimeve, te Barcelona besojnë se rikuperimi i Koundes në kohë për këtë përballje do të jetë i vështirë, megjithëse mundësia që ai të jetë i gatshëm nuk është përjashtuar plotësisht.
Seanca stërvitore e së shtunës pritet të jetë vendimtare për të kuptuar nëse francezi do të mund të luajë ndaj rivalit të përbetuar.
“El Clasico” mes Barcelonës dhe Real Madridit zhvillohet të dielën, më 25 tetor, me fillim nga ora 21:00.
Sinjali – aty ku e vërteta flet para lajmit!
