6 ditë më parë
ka njoftuar se është ndaluar nga Gjykata Komerciale e Kosovës që të reklamojë, promovojë apo shesë pako shërbimesh që mundësojnë përcjelljen e FIFA World Cup 2026 në Kosovë.
Sipas njoftimit të Telekomit të Kosovës, Gjykata Komerciale – Dhoma e Shkallës së Parë – ka aprovuar në tërësi propozimin për caktimin e masës së përkohshme të sigurisë ndaj, siç thuhet, “keqpërdorimit” të të drejtave ekskluzive të Telekomit për transmetimin e Kampionatit Botëror 2026.
Në aktvendim, sipas Telekomit, ndalohet që Artmotion të “reklamojë, promovojë, shesë, ofrojë apo shpërndajë pako të shërbimeve fikse që mundësojnë përcjelljen e Kampionatit Botëror 2026 / FIFA World Cup 2026 në Kosovë”.
Telekomi i Kosovës ka theksuar se është bartësi dhe transmetuesi ekskluziv i të drejtave për FIFA World Cup 2026 në territorin e Republikës së Kosovës, duke shtuar se është “adresa e vetme zyrtare e autorizuar” për transmetimin, promovimin dhe shfrytëzimin komercial të kësaj ngjarjeje sportive.
Tutje, kompania publike u ka bërë thirrje operatorëve kabllorë, platformave IPTV, OTT, mediave dhe subjekteve të tjera komerciale që të përmbahen nga çdo formë promovimi apo reklamimi që mund të krijojë përshtypjen se posedojnë autorizim për transmetimin e Botërorit 2026 pa miratimin e Telekomit të Kosovës.
“Çdo promovim i paautorizuar i këtij eventi mund të krijojë konfuzion te konsumatorët dhe të cenojë të drejtat ekskluzive të Telekomit të Kosovës”, thuhet në reagim, ku paralajmërohen edhe hapa ligjorë ndaj çdo shkeljeje të mundshme.
Telekomi i Kosovës ka deklaruar se mbetet i përkushtuar për t’u ofruar qytetarëve qasje “të ligjshme, cilësore dhe të sigurt” në një nga ngjarjet më të mëdha sportive në botë.
Njoftimi i Plotë:
TELEKOMI I KOSOVËS SH.A.
Prishtinë, më 22 maj 2026
Njoftim për Media
GJYKATA KOMERCIALE NDALON KEQPËRDORIMIN E ARTMOTION SH.P.K. ME TË DREJTAT EKSKLUZIVE TË TELEKOMIT TË KOSOVËS PËR FIFA WORLD CUP 2026 / KAMPIONATIN BOTËROR 2026
Sot, më 22.05.2026, Telekomi i Kosovës ka pranuar Aktvendimin e Gjykatës Komerciale të Kosovës, Dhoma e Shkallës së Parë, me të cilin është aprovuar në tërësi si i bazuar propozimi i Telekomit për caktimin e masës së përkohshme të sigurisë ndaj keqpërdorimit të ARTMOTION Sh.P.K. me të drejtat ekskluzive të Telekomit të Kosovës për FIFA World Cup 2026 / Kampionatin Botëror 2026. Me këtë Aktvendim, Gjykata ka ndaluar biznesin ARTMOTION Sh.P.K. që të reklamojë, promovojë, shesë, ofrojë apo shpërndajë pako të shërbimeve fikse që mundësojnë përcjelljen e Kampionatit Botëror 2026 / FIFA World Cup 2026 në Kosovë.
Telekomi i Kosovës Sh.A. njofton opinionin publik, partnerët medialë dhe të gjithë operatorët në treg se është bartësi dhe transmetuesi ekskluziv i të drejtave për FIFA World Cup 2026 / Kampionatin Botëror 2026 në territorin e Republikës së Kosovës.
Telekomi i Kosovës është adresa e vetme zyrtare e autorizuar për transmetimin, promovimin dhe shfrytëzimin komercial të kësaj ngjarjeje madhore sportive në territorin e Republikës së Kosovës.
Çdo medium transmetues, operator kabllor, IPTV, OTT, platformë digjitale apo subjekt tjetër që nuk ka autorizim nga Telekomi i Kosovës, nuk posedon të drejtë për reklamim, promovim, shitje, ofertim apo shpërndarje të përmbajtjes që lidhet me FIFA World Cup 2026.
Telekomi i Kosovës, me këtë rast, fton të gjithë transmetuesit, operatorët, platformat digjitale, mediat dhe subjektet e tjera komerciale që të përmbahen nga çdo formë e reklamimit, promovimit, ofertimit apo komunikimit publik që mund të krijojë përshtypjen se posedojnë autorizim, licencë apo të drejtë për transmetimin apo shfrytëzimin komercial të FIFA World Cup 2026 në Republikën e Kosovës.
Çdo promovim i paautorizuar i këtij eventi mund të krijojë konfuzion te konsumatorët dhe të cenojë të drejtat ekskluzive të Telekomit të Kosovës; prandaj, për çdo veprim të tillë Telekomi do të ndërmarrë hapat e nevojshëm ligjorë për mbrojtjen e të drejtave dhe interesave të tij.
Telekomi i Kosovës mbetet i përkushtuar që qytetarëve të Republikës së Kosovës t’u ofrojë qasje të ligjshme, cilësore dhe të sigurt në një nga ngjarjet më të mëdha sportive në botë.
