5 muaj më parë
Futboll
Sinjali.com
28 Prill 2026 07:08
Gavi është i përkushtuar të sigurojë një vend në përfaqësuesen e Spanjës për Kupën e Botës që do të mbahet këtë verë, sipas raportimeve të “MARCA”.
Mesfushori i Barcelonës ka shprehur qartë synimet e tij dhe forma e treguar në ndeshjet e fundit po e bën gjithnjë e më të vështirë për përzgjedhësin Luis de la Fuente që ta lërë jashtë planeve.
21-vjeçari ka startuar në katër përballjet e fundit të Barcelonës, duke dëshmuar një përmirësim të dukshëm pas rikuperimit nga lëndimi.
Ai spikati në përballjen ndaj Atletico Madridit në Ligën e Kampionëve, ku u inkuadrua në pjesën e dytë dhe realizoi 32 nga 33 pasime, ndërsa më pas e nisi si titullar edhe derbin ndaj Espanyolit.
Gavi la gjurmë edhe në ndeshjen e kthimit kundër Atletico Madridit, ku luajti 81 minuta, arriti 91 për qind saktësi në pasime dhe fitoi pesë duele, në një sfidë që Barcelona e konsideronte vendimtare.
Trajneri Hansi Flick e ka lavdëruar publikisht, duke theksuar se pas rikthimit “duket si një lojtar tjetër”, duke nënvizuar rritjen në ritëm dhe ndikimin në lojë.
Megjithatë, pavarësisht formës së mirë, rruga e tij drejt Kupës së Botës mbetet e vështirë, për shkak të konkurrencës së fortë në mesfushën e Spanjës, ku rreth 13 lojtarë garojnë për disa vende të kufizuara në listën përfundimtare.
Sinjali – aty ku e vërteta flet para lajmit!
