5 muaj më parë
Futboll
Sinjali.com
18 Prill 2026 23:33
Te Real Madridi vazhdon pasiguria rreth emrit që do të marrë drejtimin e ekipit gjatë verës, ndërsa disa prej kandidatëve kryesorë po përjashtohen një nga një.
Së fundmi, sipas raportimeve të mediave ndërkombëtare, rrethi i trajnerit të Francës, Didier Deschamps, ka mohuar mundësinë që ai të marrë drejtimin e “Los Blancos”, duke e nxjerrë atë nga lista e pretendentëve.
Deschamps, i cili pritet të largohet nga kombëtarja franceze pas Botërorit 2026, ishte parë si një opsion i fortë për shkak të përvojës së tij dhe aftësisë për të menaxhuar dhomat e zhveshjes me lojtarë të profilit të lartë.
Ndërkohë, edhe emra të tjerë si Jurgen Klopp dhe Mauricio Pochettino mbeten në diskutim, por pa konfirmime konkrete për një marrëveshje të afërt.
Në këtë situatë të paqartë, Real Madridi po vazhdon të shqyrtojë opsionet për stolin e ekipit, ndërsa nuk përjashtohet mundësia që drejtimin ta vazhdojë aktualisht Alvaro Arbeloa.
Sinjali – aty ku e vërteta flet para lajmit!
