1 javë më parë
FIFA po përballet me akuza të reja lidhur me mënyrën se si ka trajtuar rastin e portierit të Republikës Demokratike të Kongos, Lionel Mpasi.
Sipas “The New York Times” dhe “Le Monde”, dokumente të brendshme të FIFA-s sugjerojnë se dokumentacioni për ndryshimin e shtetësisë sportive të Mpasit nuk ishte i plotë. Portieri më parë kishte luajtur për grupmoshat e Francës.
FIFA raportohet se kishte shqyrtuar mundësinë e ndëshkimit të Republikës Demokratike të Kongos, përfshirë edhe mundësinë e përjashtimit nga play-off-i, por në fund nuk mori masa ndaj federatës kongoleze.
Rasti ka ngritur pikëpyetje edhe për marrëdhëniet mes presidentit të FIFA-s, Gianni Infantino, dhe drejtuesve të federatës së Republikës Demokratike të Kongos.
Republika Demokratike e Kongos më pas siguroi kualifikimin në Kupën e Botës të këtij viti, ndërsa Mpasi luajti në të gjitha ndeshjet e ekipit deri në eliminimin nga Anglia.
Sinjali – aty ku e vërteta flet para lajmit!
