1 muaj më parë
Ish-sulmuesi i Napolit dhe Argjentinës, Ezequiel Lavezzi, ka rrëfyer për periudhën e vështirë që po kalon, duke shqetësuar tifozët për gjendjen e tij.
Lavezzi, tashmë 41-vjeçar, ka treguar se është përballur me probleme të shëndetit mendor dhe se për një periudhë ka qëndruar në spital.
Ish-futbollisti argjentinas ka bërë të ditur se ende po merr trajtim mjekësor, ndërsa ka folur edhe për vështirësitë që ka kaluar në vitet e fundit.
“Kam jetuar nëpër periudha shumë komplekse. Më është dashur të kaloj nëpër disa momente të vështira dhe edhe sot jam nën trajtim”, ka thënë Lavezzi.
Ai ka shtuar se një nga motivet që e ka ndihmuar të përballet me këto vështirësi ka qenë djali i tij.
“I kam thënë vetes se nuk mund t’ia prish jetën djalit”, ka deklaruar ish-sulmuesi.
Sinjali – aty ku e vërteta flet para lajmit!
