2 ditë më parë
Federata e Futbollit e Çekisë ka nisur zyrtarisht shitjen e biletave për ndeshjen miqësore ndërmjet Çekisë dhe Kosovës, e cila do të zhvillohet më 31 maj në Pragë.
Lajmi është bërë i ditur nga Federata e Futbollit të Kosovës (FFK), e cila u ka bërë thirrje tifozëve “Dardanë” që të jenë sa më të pranishëm për ta mbështetur Kombëtaren në këtë përballje.
Sipas njoftimit të FFK-së, tifozët kosovarë mund t’i sigurojnë biletat përmes platformës zyrtare të shitjes online, ndërsa sektorët e rezervuar për ta janë F1, F2, F20, F21, A20 dhe A21.
“Dardanë, shihemi në stadium. Mbështetja juaj na duhet në çdo sfidë”, thuhet në mesazhin e FFK-së drejtuar tifozëve.
Sinjali – aty ku e vërteta flet para lajmit!
