1 javë më parë
Biletat për finalen e Kupës së Kosovës ndërmjet Ferizajt dhe Dukagjinit kanë dalë në shitje.
Ndeshja finale do të zhvillohet më 21 maj 2026, me fillim nga ora 20:00, në stadiumin Stadiumi Fadil Vokrri në Prishtinë.
Federata e Futbollit e Kosovës ka bërë të ditur se tifozët mund t’i sigurojnë biletat online përmes platformës eBileta.
“Çmimet e biletave janë ndarë sipas tribunave: Veri dhe Jug – 3 euro, Lindje – 5 euro, Perëndim – 10 euro dhe VIP – 30 euro”, është shkruar në njoftimin e FFK-së.
Po ashtu është bërë e ditur edhe ndarja e tifozëve në stadium. “Përkrahësit e Ferizajt do të jenë të vendosur në tribunën Veri (V1, V2 dhe V3), ndërsa tifozët e Dukagjinit në tribunën Jug (J1, J2 dhe J3)”.
Sinjali – aty ku e vërteta flet para lajmit!
