1 javë më parë
Federico Chiesa pritet të largohet nga Liverpooli gjatë afatit kalimtar të verës, pasi nuk ka arritur të konsolidohet në “Anfield” që nga transferimi i tij.
Anësori 28-vjeçar iu bashkua “The Reds” nga Juventusi në vitin 2024 për një shumë të raportuar prej 12.5 milionë funtesh, por minutazhi i rregullt në fushë ka qenë i kufizuar për shkak të lëndimeve dhe rolit të reduktuar nën drejtimin e Arne Slot.
Gjatë këtij sezoni, Chiesa ka zhvilluar vetëm 726 minuta në të gjitha garat, duke mbetur në plan të dytë gjatë gjithë kampanjës.
Sipas “Calciomercato”, Liverpooli tashmë i ka vendosur një çmim futbollistit për verën, ndërsa një ofertë prej 20 deri në 25 milionë eurosh besohet se do të ishte e mjaftueshme për largimin e tij. Gjithashtu, nuk përjashtohet mundësia që klubi anglez të marrë në konsideratë edhe oferta më të ulëta.
Interesimi për italianin ka nisur të rritet në Serie A. Roma ishte lidhur më herët me lojtarin me kërkesë të Daniele De Rossit, ndërsa edhe Napoli ka pyetur për situatën e tij. Një rikthim i mundshëm te Juventusi po ashtu mbetet një nga opsionet e përfolura.
Sinjali – aty ku e vërteta flet para lajmit!
