1 orë më parë
Një ngjarje e papritur në një dasmë luksoze në Stamboll ka bërë jehonë të madhe në mediat turke, duke e vendosur aktorin e njohur Çağatay Ulusoy dhe partneren e tij, Aslıhan Malbora, në qendër të vëmendjes.
Gjatë një performancë emocionuese të këngëtarit turk Serdar Ortaç, i ftuar në dasmën e aktores Itır Esen dhe menaxherit Engin Aykanat, ndodhi një moment që la të gjithë të pranishmit pa fjalë.
Ortaç, duke e ftuar Aslıhanin pranë tij, e komplimentoi për pamjen e saj të shkëlqyer, por më pas e befasoi me një pyetje të papritur që kishte të bënte me martesën e saj me Ulusoy.
“A do të martohesh me këtë?” ishte pyetja që e la aktoren në siklet, duke e bërë atë të duket e befasuar dhe për një moment pa fjalë. Ndërsa Çağatay Ulusoy e përcillte situatën me një buzëqeshje, atmosfera u mbush me tension dhe kuriozitet.
Çifti, i cili ka tërhequr vëmendjen e mediave që prej lidhjes së tyre pas xhirimeve të serialit “Kübra”, vazhdon të jetë në fokusin e publikut. Megjithatë, ky moment nuk është një konfirmim i planeve të tyre për martesë.
Reagimi i Aslıhanit ka ngjallur shumë diskutime, duke e bërë këtë pyetje një nga momentet më të komentuar të mbrëmjes. Deri tani, çifti nuk ka bërë ndonjë njoftim të ri lidhur me martesën.
