4 muaj më parë
Kombëtarja e Kosovës është duke u mposhtur 2-0 nga Çekia pas përfundimit të pjesës së parë në miqësoren e zhvilluar në Pragë.
Vendasit e nisën më mirë ndeshjen dhe kaluan në epërsi në minutën e 12-të, kur Tomas Ladra shënoi me kokë pas një krosimi të saktë nga e djathta.
Kosova pati rast të mirë që në minutat e para me Albion Rrahmanin, por tentativa e tij u ndal nga portieri çek Lukas Hornicek.
Çekia e dyfishoi epërsinë në minutën e 32-të me Adam Hlozek, i cili përfitoi nga një kundërsulm i shpejtë dhe shënoi nga afërsia.
Dardanët tentuan të reagojnë në disa momente, me Veldin Hoxhën dhe Mërgim Vojvodën që provuan nga distanca, por pa sukses për të ndryshuar rezultatin.
Pavarësisht disavantazhit, Kosova pati periudha me kontroll më të mirë të topit në fund të pjesës së parë, duke kërkuar hapësira për të rrezikuar në kundërsulm.
Sinjali – aty ku e vërteta flet para lajmit!
