Bitcoin dobësohet nën presionin e dollarit, çfarë pritet më tej?

Bitcoin është rikthyer pranë nivelit prej 83 mijë dollarësh, duke humbur një pjesë të fitimeve të javës së kaluar, kur çmimi ishte rreth 87 mijë dollarë.

Sipas një analize të publikuar nga XTB më 1 tetor, tregu i kriptomonedhave po përballet me një fazë më sfiduese, pasi kërkesa në tregun spot nuk po ecën me të njëjtin ritëm si blerjet përmes ETF-ve dhe aktiviteti në tregun e derivateve.

Forcimi i dollarit amerikan dhe rritja e yield-eve të obligacioneve kanë ushtruar presion mbi Bitcoinin, ndërsa dobësimi i momentumit ka rritur mundësinë për lëvizje të mëtejshme të çmimit.

Sipas analizës teknike të XTB-së, Bitcoin mund të rikthehet drejt zonës 87–90 mijë dollarë, ndërsa nivelet 92 mijë dhe 97 mijë dollarë paraqiten si rezistenca të rëndësishme teknike.

Në tregun e derivateve, interesi i hapur në Binance ka rënë nga rreth 10.6 miliardë në 9.2 miliardë dollarë gjatë javës së fundit, duke sinjalizuar një ulje të pozicioneve me levë.

XTB vlerëson se një rikuperim më i qëndrueshëm i Bitcoinit do të kërkonte rritje të aktivitetit në tregun spot. Sipas analizës, mbështetja e madhe te kontratat e së ardhmes e bën tregun më të ekspozuar ndaj luhatjeve të shpejta dhe likuidimeve.

Ndërkohë, MVRV Z-Score mbetet mbi mesataren 365-ditore, strukturë që sipas XTB-së është në përputhje me një perspektivë afatgjatë pozitive, megjithëse nuk përjashton korrigjime në afat të shkurtër.

injali – aty ku e vërteta flet para lajmit!

/GazetaSinjali/