17 orë më parë
Ekspozita është hapur në hollin e bibliotekës, duke u ofruar vizitorëve mundësinë të njihen më nga afër me kontributin e Luigj Gurakuqit në zhvillimin e arsimit shqip, shpalljen e Pavarësisë së Shqipërisë dhe proceset e ndërtimit të shtetit shqiptar, raporton RTKlive.
Hapjen e ekspozitës e bëri drejtoresha e Institutit të Historisë “Ali Hadri”, Teuta Shala-Peli, ndërsa fjalë rasti mbajtën drejtori i përgjithshëm i Drejtorisë së Përgjithshme të Arkivave të Shqipërisë, Auron Rrokaj, dhe zëvendësdrejtori ekzekutiv i Agjencisë Shtetërore të Arkivave të Kosovës, Mehmed Xhemajli.
Sot u hap ekspozita “Luigj Gurakuqi në dokumentet e Arkivit Qendror Shtetëror”, e cila synon të vërë në pah jetën, veprimtarinë dhe kontributin e Luigj Gurakuqit në historinë kombëtare shqiptare.
Përmes dokumenteve arkivore, kjo ekspozitë sjell dëshmi të rëndësishme për veprimtarinë e njërit prej personaliteteve të shquara të historisë shqiptare, duke ndriçuar rolin e tij në lëvizjen kombëtare dhe në proceset e shtetndërtimit shqiptar.
Sot u hap ekspozita “Luigj Gurakuqi në dokumentet e Arkivit Qendror Shtetëror”, e cila synon të vërë në pah jetën, veprimtarinë dhe kontributin e Luigj Gurakuqit në historinë kombëtare shqiptare.
Përmes dokumenteve arkivore, kjo ekspozitë sjell dëshmi të rëndësishme për veprimtarinë e njërit prej personaliteteve të shquara të historisë shqiptare, duke ndriçuar rolin e tij në lëvizjen kombëtare dhe në proceset e shtetndërtimit shqiptar.
Ekspozita u organizua nga Instituti i Historisë “Ali Hadri” në Prishtinë, në bashkëpunim me Drejtorinë e Përgjithshme të Arkivave në Tiranë dhe Agjencinë Shtetërore të Arkivave të Kosovës.
Në Bibliotekën Kombëtare të Kosovës “Pjetër Bogdani” është hapur ekspozita “Luigj Gurakuqi në dokumentet e Arkivit Qendror Shtetëror”, e cila sjell për publikun dokumente autentike që dëshmojnë jetën dhe veprën e një prej figurave më të rëndësishme të Rilindjes Kombëtare Shqiptare.
Gjatë ceremonisë, përfaqësuesit e institucioneve theksuan rëndësinë e ruajtjes së kujtesës historike dhe forcimit të bashkëpunimit ndërinstitucional për mbrojtjen dhe promovimin e trashëgimisë së përbashkët kombëtare.
Ekspozita është realizuar në bashkëpunim ndërmjet Agjencisë Shtetërore të Arkivave të Kosovës, Institutit të Historisë “Ali Hadri” dhe Drejtorisë së Përgjithshme të Arkivave të Shqipërisë.
Përmes dokumenteve të ruajtura në Arkivin Qendror Shtetëror, vizitorët mund të njihen me veprimtarinë politike, arsimore dhe kulturore të Gurakuqit, si dhe me rolin e tij në momentet kyçe të historisë kombëtare shqiptare.
Përtej vlerës së tyre dokumentare, materialet e ekspozuara përbëjnë dëshmi të rëndësishme të rrugëtimit historik të shqiptarëve dhe të kontributit të personaliteteve që ndikuan në zhvillimin e identitetit kombëtar.
“Ekspozita dëshmon vlerën e bashkëpunimit Kosovë-Shqipëri në ruajtjen dhe promovimin e trashëgimisë sonë të përbashkët dokumentare”, thuhet në njoftimin e institucioneve organizatore.
Përmes kësaj ekspozite, kujtesa për Luigj Gurakuqin dhe kontributin e tij në historinë shqiptare rikthehet në vëmendjen e publikut, duke theksuar rëndësinë e dokumenteve arkivore si dëshmi të çmuara për brezat e sotëm dhe ata që vijnë. /KosovaNews/
