1 javë më parë
Futboll
Sinjali.com
21 Maj 2026 12:56
Bernardo Silva është shumë pranë largimit nga Manchester City në fund të sezonit, ndërsa Atletico Madrid po shihet si destinacioni më i mundshëm për mesfushorin portugez, i cili mund të transferohet pa pagesë. Në anën tjetër, Juventusi duket se nuk është më në garë për shërbimet e tij.
Pak javë më parë, 31-vjeçari bëri të ditur se do të mbyllë kapitullin e tij te City pas nëntë sezonesh të suksesshme në “Etihad”, ku fitoi shumë trofe dhe u shndërrua në një nga figurat më të rëndësishme të klubit anglez.
Fillimisht, për Bernardon u interesuan Juventus dhe Barcelona. Italianët e konsideronin si një pjesë kyçe të projektit të ri, por mungesa e mundshme në Ligën e Kampionëve sezonin e ardhshëm ka komplikuar gjithçka dhe ka zbehur shanset për transferim në Torino.
Ndërkohë, Barcelona vazhdon të ketë dilema për shkak të pagës së lartë të lojtarit dhe konkurrencës së madhe që ekziston tashmë në repartin e mesfushës.
Sipas mediave spanjolle, Atletico Madrid ka shtuar interesimin orët e fundit dhe po shtyn fort për ta afruar portugezin. Vetë Bernardo Silva raportohet se është i interesuar të provojë futbollin në La Liga, ndërsa Diego Simeone kërkon më shumë cilësi në mesfushë.
Raportimet nga Italia bëjnë të ditur se lojtari tashmë e ka hequr përfundimisht Juventusin nga opsionet dhe preferon kalimin te Atletico Madrid.
Në rast se marrëveshja realizohet, kjo do të konsiderohej një lëvizje e madhe për klubin madrilen, që synon të forcohet seriozisht për garën në Spanjë dhe në Evropë.
Vendimi përfundimtar pritet të merret së shpejti, pasi Bernardo Silva dëshiron ta sqarojë të ardhmen e tij para fillimit të Kupës së Botës.
Sinjali – aty ku e vërteta flet para lajmit!
