Aksident i rëndë në Dollc të Klinës, dyshohet për një viktimë

Një aksident i rëndë trafiku ka ndodhur mëngjesin e sotëm në fshatin Dollc të Klinës.

Sipas raportimeve fillestare, dyshohet se si pasojë e aksidentit një person ka humbur jetën, ndërsa disa të tjerë kanë mbetur të lënduar.

Rrethanat e aksidentit ende nuk janë bërë të ditura, ndërsa në vendin e ngjarjes kanë dalë njësitet policore dhe ekipet emergjente.

Telegrafi ka kontaktuar Policinë e Kosovës dhe është në pritje të informacioneve zyrtare lidhur me rastin. /Telegrafi/